Pédáesh

 Pédáesh Kwahnén Ahdnámagay awali ketáb ent o sarjamén Pákén Ketáb cha hameshiá bendáta bit. Pédáeshay ketábá jahánay jórh bayagay kessah mán ent. Eshiá abéd, gonáhay bendát bayagay kessahi ham mán ent ke awali mardomán, bezán Ádam o Hawáyá chón Hodáay náparmáni kort o gonáhá kaptant. Pédáeshay ketábá é kessah ham árag butag ke Nuhay zamánagá Hodáyá gonáháni sawabá tuppáné áwort o ensán o haywáni tabáh kortant, bale Hodáyá Nuh parmát ke bójigé addh bekant ke Nuhay jend o áiay lógay mardom berakkant.
Ketábay domi bahr yakk hándánéay kessah ent, bezán Ebráhém o Ebráhémay chokk Esák, Esákay chokk Ákub o Ákubay dwázdahén mardénchokkáni kessah, ke chón Hodáyá watá esháni démá záhera kort. Ákubay yakk chokké Issop at. Issop, brátán bahá kort o sari Mesrá kapt. Issop Mesrá golámé at, bale randterá Mesray hákem jórh but. Hodáyá Issopay barkatá áiay sajjahén hándán o dega bázén mardomé cha mazanén dhokkáléá rakként o é paymá Ebráhémay nasl démá rawán but. Sakk báz wahdá rand, cha Ebráhémay naslá may rakkénókén Issá Masih pédá but ke pa ensánáni gonáháni shódagá wati sáhi korbán kort. Issá Masihay áyagay bendáti péshgói ham, Pédáeshay ketábá mán ant.

Thumbnail image