دررئو کوَهنێن اَهدنامَگئے دومی کتاب اِنت. دررئوئے کتابا اے کِسّه مان اِنت که هُدایا چۆن وتی هِزمتکار موسّائے وسیلها وتی مهلوک چه مِسرا در کرت و چه مِسریانی گُلامیا رَکّێنت. اِسراییلی که چه مِسرا دَر آتک و شُتنت، راها هُدایا موسّا سینائے کۆهئے سرا لۆٹاێنت و وتی پرمانی سنگئے دو وانِکئے سرا نبشته کرت و موسّائے دستا داتنت. هُدایا په مهلوکا زندئے کانون و رهبند گیشّێنتنت و هُکمی دات که تمبوے اَڈّ بکنێت که منی شان و شئوکت شمئے همراه ببیت. اِسراییلیان گیابانا تمبو و کُربانجاه تئیار کرتنت و هُداوندئے شان و شئوکت جمبرێئے تها بوت و تمبوا آتک. کتاب همے جاگها آسرَ بیت که تمبو چه هُداوندئے شان و شئوکتا سَررێچَ بیت.
![Thumbnail image](https://balochimestag.com/sites/www.balochimestag.com/files/styles/small/public/media-icons/generic/audio.png?itok=6CvsCFoi)
![](/sites/www.balochimestag.com/files/styles/medium/public/uploads/Date_palm_tree.jpg?itok=xTjMUhDq)