Darraw kwahnén ahdnámagay domi ketáb ent. Darraway ketábá é kessah mán ent ke Hodáyá chón wati hezmatkár Mussáay wasilahá wati mahluk cha Mesrá dar kor o cha Mesriáni golámiá rakként. Esráili ke cha Mesrá dar átk o shotant, ráhá Hodáyá Mussá Sináay kóhay sará lótháént o wati parmáni sengay do wánkey sará nebeshtah kort o Mussáay dastá dátant. Hodáyá pa mahluká zenday kánun o rahband gisshéntant o hokmi dát ke tambué addh bekanét ke mani shán o shawkat shomay hamráh bebit. Esráilián gyábáná tambu o korbánjáh tayár kortant o Hodáwanday shán o shawkat jambaréay tahá but o tambuá átk. Ketáb hamé jágahá ásara bit ke tambu cha Hodáwanday shán o shawkatá sarrécha bit.
