اِنجیلئے مانا وشّێن مِستاگ و هال اِنت. ایسّا مَسیها وت اے لبز په وتی کلئو و پئیگاما کاربند کرتگ، هما کلئو که آییا جار جتگ. رندترا آییئے مُرید و باوَرمندان، آ کتاب که ایسّائے زندمان و درس و سَبَکانی بارئوا نبیسگ بوتگ‌اَتنت، «اِنجیل» یا «وشّێن مِستاگ» نام پِر بستنت. ایسّایی کلیسا چار اِنجیلا منّیت، مَتّا، مَرکاس، لوکا و یوهَنّا. پاکێن اِنجیل چه لوکائے کَلَما همے کتاب اِنت که شمئے دێما اِنت.
